جرمنی ایرانی فضائی کمپنی تے پابندی لا ڈتی

جرمنی ایرانی فضائی کمپنی تے پابندی لا ڈتی

برلن (پاکستان پوائنٹ نیوز25دسمبر 2018ء) جرمنی ایران دی فضائی کمپنی ”مہان ایئر“ دیاں پروازاں تے پابندی لا ڈتی اے ۔ جرمن نشریاتی ادارے دے مطابق امریکی پابندیاں دا سامنڑاں کرنڑ آلی ایران دی فضائی کمپنی ”مہان ایئر“ دیاں پروازاں تے جرمنی پابندی لیندے ہوئیں الزام لاتے جو او ایران توں پاسداران انقلاب دے فوجیاں ،جنگجو اتے اسلحہ دی شام منتقلی اچ ملوث اے ۔حکام مہان ائیر دی میونک تے ڈسلڈورف شہراں اچ پروازاں تے پابندی لاتی اے۔ واضح رہے جو امریکا ایران دی فضائی کمپنی مہان ایئر کوں کجھ عرصہ پہلے بلیک لسٹ کر ڈتا ہئی .