تیل دیاں قیمتاں اچ گھٹکی پیداوار اچ ودھارے پاروں ہے،صورتحال تے ڈومہینے اچ قابو کر گھدا ویسی، اوپیک

کویت سٹی (پاکستان پوائنٹ نیوز24دسمبر 2018ء) تیل برآمد کرنڑ آلے ملکاں دی تنظیم ( اوپیک) آکھیے جوتیل دیاں قیمتاں اچ حالیہ گھٹکی پیداوار اچ ودھارے پاروں ہے لیکن ایں صورتحال تے وختی قابوکر گھدا ویسی۔اوپیک دے صدر اتے متحدہ عرب امارات دے وزیر توانائی سہیل المزروعی گزریل ڈینھ رکن ملکاں دے وزارتی اجلاس دے موقع تے آکھیے جو تیل دی عالمی پیداوار اچ حالیہ ودھارا2017 ءدے مقابلے اچ کڈاہیں گھٹ ہے جیندے تے آندے ہک ڈو مہینے اچ قابو کر گھدا ویسی۔

انھاں آکھیے جو ایں ویلھا تیل دی ودھ عالمی پیداوار صرف 26 ملین بیرل ہے جڈاں جو 2017 ءاچ فاضل پیداوار دا حجم 340 ملین بیرل ہا۔انہاں آکھیے جو تیل دی پیداوار ودھنڑ دی وجہ نال اکتوبر توں ہنڑ تئیں تیل دی قیمت 36 فیصد گھٹ تھی تے54 ڈالر (47 یورو) فی بیرل دی سطح تے آگی ہے۔2019 ءدے شروع دے مہیناں اچ تیل دی پیداوار تے کنٹرول دے ذریعے تیل دیاں قیمتاں اچ چنگائی لاتی ویسی۔