مسجد الحرام اچ 25 سال تئیں درس ڈیونڑ آلے مدرس شیخ العجلان انتقال کر گئن

مکہ مکرمہ (پاکستان پوائنٹ نیوز20دسمبر 2018ء) مسجد الحرام دے معروف مدرس شیخ محمد بن عبداللہ العجلان 80 سال دی عمر اچ انتقال کر گئن ۔او بہوں عرصے توں علیل ہن ۔گزریل ڈینھ ظہر دے بعد انہاں دی نماز جنازہ حرم شریف اچ پڑھائی گی جڈاں جو تدفین الشرائع اچ شہداءالحرم قبرستان اچ کیتی گی اے ۔ شیخ العجلان بیماری دے باوجود حرم شریف اچ درس دا سلسلہ جاری رکھی پئے ہن تاں جو انہاں کوں درس ڈیندے ہوئیں آکسیجن دا آسرا گھننڑں پوندا ہئی ۔انہاں مسیت الحرام اچ 25سال تئیں درس ڈتا ۔