ریاض (پاکستان پوائنٹ نیوز19دسمبر 2018ء) چیئرمین سینٹ محمد صادق سنجرانی اپنڑے وفد دے رلے اسلامی فوجی اتحاد انسداد دہشت گردی(آئی ایم سی ٹی سی) دے ہیڈکوارٹر دا دورہ کیتا۔ ہیڈ کوارٹر اچ آئی ایم سی ٹی سی دے کمانڈر جنرل (ر) راحیل شریف اتے ڈپٹی کمانڈر جنرل عبدالرحمن انہاں دا استقبال کیتا ۔ جنرل راحیل وفد کوں آئی ایم سی ٹی سی دی کارکردگی اتے ایندے کم کار تے بریفنگ ڈتی ۔
انہاں ڈسایا جو ایں ادارے دا بنیادی مقصد دہشت گردی دا مقابلہ کرنڑ تے اینکوں مکاونڑ اے ۔انہاں ایں تاثر دی نفی کیتی جو اے ادارہ کہیں ملک ،قوم یا فرقے دے خلاف کاروائی کیتے بنڑایا گے ۔ چیئرمین سینٹ اتے وفد اچ موجود سینیٹرز دہشت گردی دے خاتمے کیتے شاہ سلمان بن عبدالعزیز اتے سعودی حکومت دے عزم تے کوششاں دی تعریف کیتی۔
