تہران (پاکستان پوائنٹ نیوز18دسمبر 2018ء) ایرانی وزیر دفاع برگیڈیئر جنرل امیر حاتمی آکھیے جو پابندیاں دے باوجود ایران ترقی دے راہ تے گامزن ہے۔تہران دی مالک اشتر یونیورسٹی اچ ہفتہ ریسرچ اتے ٹیکنالوجی دے موقع تے تقریب نال خطاب کریندے ہوئیں انہاں آکھیا جو پچھلے 40 سال دوران ایران کوں امریکا اتے اسرائیل دی سربراہی اچ بنڑائے گئے سامراجی محاذ دی دشمنی دا سامنڑاں رہیا لیکن ایندے باوجود ایرانی عوام ہر معرکے اچ کامیاب تھئے ہن۔
انہاں آکھیا جو ایران کوں دفاعی لحاظ نال کمزور کرن دشمناں دا اصل ہدف ہے اتے ایران دے میزائل پروگرام اتے علاقائی اثرو رسوخ دی مخالفت ایں غرض نال کیتی ویندی پی ہے۔امیر حاتمی آکھیا جو تسلط پسند عالمی طاقتاںایران کوں نقصان پجاونڑ دی بھرپور کوشش کر یندیاں پن۔ انہاں بھرپور اقتصادی جنگ وی ایں سانگے چھیڑی ہے تاں جو ایران دے اسلامی نظام اتے اساڈی دفاعی طاقت کوں نشانہ بنڑایا ونج جا سگے۔ انہاں آکھیا جو ایران رہبر انقلاب اسلامی دی مدبرانہ قیادت اچ، ساریاں پابندیاں اتے دشمنی دے باوجود ترقی تے پیشرفت دیاں منزلاں طے کر یندا پئے۔
