ریاض (پاکستان پوائنٹ نیوز18دسمبر 2018ء) سعودی عرب دنیا اچ اسلحہ درآمد کرنڑ آلا سبھ توں وڈا ملک بنڑ گئے ۔سٹاک ہوم انٹرنیشنل ریشرچ انسٹیٹیوٹ ولوں جاری کیتے گئے اعداد و شمار مطابق سعودی عرب 2017ءاچ ساری دنیا اچ سبھ توں وڈا اسلحہ خرید کیتا جڈاں جو فرانس وی ایں شعبے اچ صف اول د ے ملکاں اچ شامل ہے ۔ سعودی عرب 2017ءدوران 61.21 ارب یورو عسکری شعبہ اچ خرچ کیتے۔
سعودی عرب دا عسکری خرچ یوروگوائے دی مجموعی قومی پیداوار دے برابر ، لتھویا دی قومی پیداوار توں ڈو گنا اتے افغانستان د ی قومی پیداوار دے حوالے نال 3گنا ودھ ہے۔ سعودی عرب 2015ءاچ جنگ یمن دے بعد توں فوجی خرچ اچ ودھارا کیتے ۔ امریکا سعودی عرب کوں سبھ توں ودھ اسلحہ دی وکامت کیتی ،ایندے بعد برطانیہ ، فرانس ، اسپین ، اٹلی ، سوئٹزرلینڈ اتے کینیڈا دے ناں آندن۔