عرب اتحادترائے ڈینھ اچ یمن داخلے کیتے 157اجازت نامے جاری کیتن

عدن(پاکستان پوائنٹ نیوز17دسمبر 2018ء) یمن اچ دستوری حکومت دی عمل داری دی بحالی کیتے سرگرم عرب اتحادآکھیے جو یمن اچ آمد ورفت کیتے ترائے ڈینھ دے دوران بری، بحری اتے فضائی قافلیں کوں 157 پروانے جاری کیتے گن ۔عرب اتحاد ولوں جاری بیان اچ آکھیا گے جو ترائے ڈینھ اچ یمن بندر گاہ اچ بحری جہازاں کوں ونجنڑ کیتے 19 اجازت نامے جاری کیتے گن۔ 12 فضائی راہ داریاں جاری کیتیاں گیاں جڈاں جو 16 امدادی بحری جہازاں کوں یمن اچ لنگر انداز تھیونڑ دی اجازت ڈتی گی ۔ایں دوران 23 فضائی اجازت نامے جاری کیتے گن جڈاں جو ڈو بری راہ داریاں جاری کیتیاں گیاں ۔ قافلیں دی حفاظت کیتے 103 اجازت نامے جاری کیتے گن ۔ اجوکے ہفتے 5 بحری جہازاں دا الحدیدہ بندرگاہ اچ داخلہ متوقع اے۔