عالمی برادری اسرائیلی دھمکیاں دا نوٹس گھنے، او آئی سی

جدہ(پاکستان پوائنٹ نیوز14دسمبر 2018ء) اسلامی تعاون دی تنظیم او آئی سی یہودی آباد کاراں دی اشتعال انگیزیاں اتے فلسطینی صدر محمود عباس کو ں ڈتی گی دھمکیاں کوں مسترد کر ڈتے۔ العریبہ نیوز مطابق او آئی سی توجہ ڈیوندے ہوئیں آکھیے جو فلسطینیاں دے خلاف آبادکاراں دے جارحانہ رویے اتے جرماں دا سلسلہ بہوں پرانڑاں ہے، البتہ اج کل ایندے اچ شدت آگی ہے۔ او آئی سی خبردار کیتے جو اگر فلسطینی صدر کو ںیہودی آبادکاراں کہیں طرح دا کوئی وی نقصان پجایا تاں ایندی ساری ذمہ داری اسرائیلی حکومت تے آوسی۔ او آئی سی عالمی برادری توں اپیل کیتی ہے جو اوہ دھمکیاں تے یہودی آبادکاراں دی مذمت کرے اتے فلسطینیاں سانگے عالمی تحفظ دی قرارداداں نافذ کراوے۔