تہران(پاکستان پوائنٹ نیوز14دسمبر 2018ء) ایرانی وزیرخارجہ ڈاکٹر محمد جواد ظریف اتے روس دے وزیرخارجہ سرگئی لاروف ٹیلیفون تے تھیونڑ آلی گالھ بات دوران شام دے بحران دے سیاسی حل دا جائزہ گھدا اتے تازہ ترین صورت حال تے خیالیں دا تبادلہ کیتا ۔ انہاں آکھیے جو مغربی ایشیا اچ دہشت گردی دے خلاف جنگ اچ ایران اتے روس دا موقف ہک ہے، شام دے بحران اچ ایران اتے روس ترکی دے نال رل مل تے شام بارے آستانہ امن مذاکرات دی سرپرستی کیتی ہائی۔
آستانہ امن مذاکرات دا ہک وڈا نتیجہ شام اچ پرامن علاقیاں دا قیام اتے سیاسی طریقے نال بحران دے حل سانگے رستے سدھا کرنڑ ہا۔شام توں متعلق آستانہ امن مذاکرات ہک ایجھا واحد مذاکراتی عمل ہے جیندے اچ امریکا دی کوئی مداخلت کائنی ہے اتے ایں وجہ نال شام دے بحران دے حل اچ اگی تے ودھنڑ سانگے راہ سدھاتھیندا پئے۔
