سعودی عرب دا 40 ہزار شہریاں کوں صحت دے شعبے اچ ملازمتاں ڈیونڑ دا اعلان

ریاض (پاکستان پوائنٹ نیوز14دسمبر 2018ء) سعودی وزارت صحت ، وزارت محنت و سماجی بہبود، فروغ افرادی قوت فنڈ اتے سعودی ایوان ہائے صنعت و تجارت کونسل 40 ہزار مقامی تریمتاں تے حضرات کوں 10توں ودھ صحت دے شعبیں اچ ملازمتیں ڈیونڑ دا اعلان کر ڈتے۔ سعودی اخبار دے مطابق مذکورہ 10 شعبیں مقامی شہریاں کوں ملازمت ڈیونڑ آلی مفاہمتی یادداشت تے دستخط کر ڈتن ۔ وزارت دے مطابق ایں معاہدے تے عملدرآمد 2019ءتوں کیتا ویسی تے 2020ءتئیں ایندا سلسلہ جاری رہ ویسی ۔ یادداشت تے دستخط کیتے منعقدہ خصوصی تقریب اچ وزیر صحت ڈاکٹر توفیق الربیعہ ، وزیرمحنت احمد الراحجی اتے بئے اعلیٰ عہدیدار وی شریک ہن ۔