میکسیکو :چرچ اچ آتش بازی دے سامان اچ دھماکے، 8 بندے ہلاک،50 زخمی

میکسیکو سٹی(پاکستان پوائنٹ نیوز12دسمبر 2018ء) میکسیکو دے ہک چرچ اچ آتش بازی دے سامان اچ دھماکے نال 8 بندے ہلاک اتے50بندے زخمی تھی گئے ہن۔مقامی پولیس مطابق میکسیکو سٹی توں90 میل دور ٹکیوسکیواپین شہر دے سان جوز چرچ اچ ہک مذہبی تقریب دوران چرچ اچ رکھے ہوئے آتش بازی دے سامان اچ بھاہ لگ گئی جیندی وجہ نال دھماکہ تھیا اتے گھٹ و گھٹ 8بندے ہلاک جڈاں جو 50بندے زخمی تھی گئے۔ہلاک تھیونڑ آلیاں اچ 11اتے 12 سال دی عمر دے ڈو بال وی شامل ہن۔ایمرجنسی ریسپونس دے اہلکار گبریل بسٹا رچیا مطابق چرچ اچ کہیںتہوار سانگے آتش بازی دا سامان عطیہ کیتا گیا ہا جیندے اچ اوں ویلھادھماکے شروع تھی گئے جڈاں لوکیں دی وڈی تعداد چرچ اچ موجود ہائی۔