نواں مالیاتی نظام وختی شروع تھی ویسی، یورپی یونین

برسلز (پاکستان پوائنٹ نیوز12دسمبر 2018ء) یورپی یونین دے شعبہ خارجہ پالیسی دی سربراہ فیڈریکا موگرینی آکھیے جو ایران دے نال نویں مالیاتی نظام ”ایس پی وی“ تے وختی کم شروع کر ڈتا ویسی۔ یورپی یونین دے شعبہ خارجہ پالیسی دی سربراہ فیڈریکا موگرینی برسلز اچ یورپی ملکاں دے وزرائے خارجہ دے اجلاس دے بعدآکھیے جو ایران دے نال تعاون سانگے نواں مالیاتی نظام ”ایس پی وی“ تیار کر گھدا گئے جیرھا جو جاری مہینے دے چھیکڑ تئیں کم کرنڑ شروع کر ڈیسی۔ انہاں آکھیا جو یورپی ملکاں دے وزرائے خارجہ ایں گالھ تے مکمل اتفاق کیتے جو ایٹمی معاہدے کوں باقی رکھیا ویسی۔ انہاں دا آکھنڑ ہا جو اساں اپنڑے ایں وعدے تے قائم ہسے جو ایرانی عوام کوں پابندیاں مکاونڑ دا فائدہ دیسوں۔