امریکا تے یورپ اچ سونے دیاں قیمتاں اچ گھٹکی،ایشیا اچ ودھارا

نیویارک (پاکستان پوائنٹ نیوز11دسمبر 2018ء) امریکا تے یورپ اچ سونے دیاں قیمتاں اچ گھٹکی جڈاں جو ایشیا اچ قیمتاں اچ ودھارا تھئے ،جیندی وجہ ڈالر دی شرح تبادلہ اچ ودھارا اتے عالمی سٹاک مارکیٹاں اچ اتار چڑھاﺅ ہے۔ نیویارک اچ سپاٹ گولڈ دے وقفے دے نیڑے قیمت 0.3 فیصد گھٹ تھی تے 1244.22 ڈالر فی اونس رہی۔امریکی سونے دے سودے 0.2 فیصد گھٹکی دے نال 1249.70 ڈالر فی اونس اچ تھئے۔لندن اچ سپاٹ گولڈ دی قیمت 0.1 فیصد گھٹ تے 1246.42 ڈالر فی اونس رہی۔امریکی سونے دے سودے 0.1 فیصد گھٹکی دے نال1251.80 ڈالر فی اونس اچ تھئے۔ایشیا اچ سپاٹ گولڈ دی قیمت 0.1 فیصد ودھ تے 1248.59 ڈالر فی اونس رہی۔امریکی سونے دے سودے 0.1 فیصدودھارے دے نال 1253.4 ڈالر فی اونس اچ تھئے۔