برسلز (پاکستان پوائنٹ نیوز11دسمبر 2018ء) یورپی وزرائے خارجہ ہک وار ولا ایران دے نال تھیونڑ آلے ایٹمی معاہدے کوں یورپ دی سلامتی سانگے انتہائی اہم اتے ضروری قرار ڈتے۔ایرانی خبر رساں ادارے مطابق جرمن وزیر خارجہ ہیکو ماس برسلز اچ پورپی وزرائے خارجہ دے اجلاس دے موقع تے آکھیا جو ایران دے نال طے تھیونڑ آلا جوہری معاہدہ یورپ دی سیکورٹی سانگے اہمیت رکھیندے ۔
بیلجیئم دے وزیر خارجہ ڈیڈیئر رینڈرزوی اپنڑے ہک بیان اچ آکھیے جو یورپی ملکاں وڈے ایٹمی معاہدے دے حوالے نال اگی تے ودھنڑ دی کوشش کر یندے پن۔یورپی یونین دے 28رکن ملکاں دا اجلاس برسلز اچ جاری ہے جیندے اچ ایران دے نال مالیاتی لین دین دے خصوصی یورپی نظام بارے تبادلہ خیال کیتا ویندا پئے۔امریکی حکام دے دباو¿ دے باوجود جرمنی اتے فرانس ایران دے نال یورپی یونین دے خصوصی مالیاتی نظام ایس پی وی دی میزبانی تے اتفاق کر گھدے۔یورپی ذرائع داآکھنڑ ہے جو ایس پی وی نظام تے وختی علمدرآمد شروع کرڈتا ویسی جیندے فوراً بعد 9بئے یورپی ملک وی ایں نظام اچ شامل تھی ویسن۔
