اقوام متحدہ دے خصوصی ایلچی دا یمن مذاکرات دے آندے دور اچ تفصیلی امن منصوبہ پیش کرنڑ دا اعلان

اقوام متحدہ دے خصوصی ایلچی دا یمن مذاکرات دے آندے دور اچ تفصیلی امن منصوبہ پیش کرنڑ دا اعلان

سٹاک ہوم (پاکستان پوائنٹ نیوز11دسمبر 2018ء) اقوام متحدہ دے یمن سانگے خصوصی ایلچی مارٹن گریفتھس آکھیے جوا وہ مذاکرات دے آندے دور ویلھایمن اچ جاری بحران دے حل سانگے ہک تفصیلی منصوبہ پیش کریسن۔العربیہ ٹی وی مطابق مارٹن گریفتھس گزریل ڈینھ سویڈن دے دارالحکومت سٹاک ہوم اچ مذاکرات دے بعد نیوز کانفرنس اچ آکھیا جو اساکوں امید ہے جو یمنی فریق آندے سال دے شروع اچ مذاکرات دے ہک نواں دور تھیونڑ تے اتفاق کریسن۔

انھاں ڈسایا جو ”اساںہوائی اڈے دے جھیڑے تے ڈوہائیں فریقاں دے موقف اچ خلیج کوں گھٹ کرنڑ سانگے وی کم کریندے پئے ہسے۔انہاں د اآکھنڑ ہا جو یمنی بحران دے حل سانگے ہک روڈ میپ ضروری ہے اتے ا وہ سویڈن اچ جاری انہاں مذاکرات اچ کہیں پیش رفت ول وھددے پن ۔انہاںآکھیا جواساںصرف معاہدے سانگے نی بلکہ یمن تے ہک سمجھوتے سانگے کم کر یندے پئے ہسے۔عالمی ادارے دے ایلچی سویڈن اچ جاری امن مذاکرات اچ شریک ڈوہائیںفریقاں کوں جنگ آلے ملک اچ امن دے قیام سانگے ہک روڈ میپ تجویز کیتے۔

ایندے تحت حوثی ملیشیا اتے سارے مسلح گروپ یمن دے شہر الحدیدہ دی بندرگاہ کو ںخالی کرڈیسن۔اقوام متحدہ اپنڑے طور تے فریقاں اچ اعتماد بحال کرنڑ دے اقدامات ، مذاکراتی فریم ورک اتے تشدد اچ گھٹکی کو ںایجنڈے اچ سرفہرست رکھے۔