جدہ اچ مشہور کمپنیاں دے کمپلیکس دے 17 داخلی رستے بند

جدہ (پاکستان پوائنٹ نیوز10دسمبر 2018ء) سعودی عرب دے شہر جدہ دے بلدیہ حکام مشہور کمپنیاں دے کمپلیکس دے 17 داخلی رستے بند کر ڈتن ۔مقامی اخبار دے مطابق جدہ شہر اچ الکوثر، الریان اتے الحمدانیہ محلیں دے لوکاں دی شکایت تے عمل کریندے ہوئیں بلدیہ معروف کمپنیاں دے کمپلیکس دے 17 داخلی رستے بند کر ڈتن۔ رہائشی لوکاں دا موقف ہئی جو انہاں رستیں پاروں سڑکاں تے ٹرکا دی آمد و رفت ودھ گی اے تے او ترٹ پھٹ دا شکار تھیندی پئی اے ۔جدہ دے میئر صالح الترکی کمپلیکس دے مالکاں کوں آکھیے جو او متاثرہ سڑک اپنڑے خرچے تے ٹھیک کراون تے ٹرکاں دے آونج کیتے کمپلیکس دا جنوبی رستہ استعمال کرن ۔