ترکی دے صدردی فرانس اچ مظاہرین دے خلاف طاقت دے استعمال تے تنقید

انقرہ (پاکستان پوائنٹ نیوز10دسمبر 2018ء) ترکی دے صدر رجب طیب اردوان فرانس اچ پیلی جیکٹ آلے مظاہرین دے خلاف طاقت دے استعمال تے تنقید کیتی اے ۔عالمی ذرائع ابلاغ دے مطابق انہاں آکھیے جو مظاہرین دے خلاف پولیس بہوں سخت رویے دا مظاہرہ کیتے ۔انہاں آکھیا ہئی جو یورپ اچ سلامتی اتے بہبود دیاں دیواراں مسلماناں یا تارکین وطن دی وجہ توں کائنی بلکہ خود یورپی شہریاں دے ہتھوں لرزدیاں پن ۔انہاں ہک واری ولا الزام لاتے جو میں ناکام فوجی بغاوت تے یورپی ملکاں خود خاموشی اختیار کر رکھی ہئی ۔