بیجنگ ( پاکستان پوائنٹ نیوز 08 دسمبر 2018ء) چین دے صدر شی جن پنگ شمالی کوریا دے وزیر خارجہ لی یونگ ہو نال ملاقات کیتی۔ چائنہ ریڈیو انٹرنیشنل مطابق ایں موقع تے چینی صدر آکھیا جو جاری سال کم جونگ ا±ن ترائے واری چین دادورہ کیتا۔ ڈوہائیں رہنماواں ہک ئے نال تعاون اتے علاقائی امن تے استحکام دے تحفظ سمیت بئے اہم امور تے تفصیل نال خیالیں دا تبادلہ کیتا ۔
ڈوہائیں رہنماواں آکھیے جوخوشی دی گالھ ہے جو ڈوہائیں پاسوں طے کیتے گئے اہم اتفاق رائے کوں چنگا طریقے نال نافذ کیتا گئے ۔ شی جن پنگ آکھیاجو جاری سال جزیرہ نما کوریا دی صورت حال اچ مثبت تبدیلی تھئی اتے ایں مسئلے دے حل سانگے سیاسی کوشش جاری ہے۔ انہاں امید ظاہر کیتی جو شمالی کوریا اتے امریکہ ہک بئے دی تشویش دا خیال رکھیندے ہوئیں امن مذاکرات کوں اگی تے ودھاونڑ سانگے کوششاں کریسن۔ چین ماضی آلی کار آئندہ دی شمالی اتے جنوبی کوریا دے تعلقات دی چنگائی ، مفاہمت اتے تعاون اچ ودھارے سانگے ڈوہائیںفریقاں ولوںکیتی گئی ساریاں کوششاں دی حمایت کریسی۔
