روہنگیا دے مسلماناں داقتل عام بند کیتا ونجا ، برما دی فوج انسانیت دے خلاف جرائم کیتے ہن، چئیرمین ہالوکاسٹ میوزیم

واشنگٹن (پاکستان پوائنٹ نیوز 04 دسمبر 2018ء) ہالوکاسٹ میوزیم دے چیئر مین لی فین سٹین امریکا سمیت ساری دنیا توں مطالبہ کیتے جو روہنگیا مسلماناں دا قتل عام روکیا ونجا ،جتھاں برما دی فوج مسلماناں دا قتل عام کر یندی پی ہے۔ روہنگیا کمیونٹی دے بچے کھچے لوکاں کوں تحفظ ڈتا ونجا جڈاں جو پبلک انٹرنیشنل لاءاتے پالیسی گروپ وی اپنڑیںرپورٹ اچ آکھیے جو برما دی فوج انسانیت دے خلاف جرائم، نسل کشی اتے روہنگیا دے مسلماناں دے خلاف جنگی جرائم کیتے ہن ۔ رپورٹ اچ امریکی تفتیشی افسراں حقائق دے حوالہ نال ڈسایا جو برما دی فوج روہنگیادے خلاف نسل مکاونڑ دی نیت نال وڈا ظلم کیتے۔ واضح رہوے جو7 لکھ روہنگین مسلماناں ہمسایہ ملک بنگلہ دیش اچ پناہ گھدی ہوئی ہے۔