ریاض (پاکستان پوائنٹ نیوز29 نومبر2018ء) سعودی عرب دی فلسطینی پناہ گزیناں سانگے 50 ملین ڈالر دی امداد دا اعلان کیتے ۔انھاں ایہ اعلان فلسطینی پناہ گزیناں دی بہبود سانگے اقوام متحدہ دی ریلیف اینڈ ورکس ایجنسی "اونروا" دی مدد نال کیتے ،جیندے تحت سعودی عرب فلسطینی پناہ گزیناں سانگے 50 ملین ڈالر دی امداد ڈیسی۔سعودی سرکاری نیوز ایجنسی مطابق شاہ سلمان ریلیف مرکز دے جنرل سپروائزر عبداللہ الربعیہ الریاض اچ"یو این آر ڈبلیو اے" ایجنسی دے ہائی کمشنر بیار کرینپول دے کٹھے ہک سانجھی پریس کانفرنس نال خطاب اچ آکھیا جو سعودی حکومت "اونروا" کو ںبحران توں کڈھنڑ سانگے ہرممکن مالی مدد کریسی۔
خیال رہوے جو اقوام متحدہ دی ریلیف اینڈ ورکس ایجنسی "اونروا" غزہ، اردن، لبنان اتے شام اچ فلسطینی پناہ گزیناں کوںتعلیم، صحت اتے بئی بنیادی سہولتاں ڈیونڑ دی ذمہ دار ہے۔ جاری سال امریکا ایں ادارے کوں ڈتی ونجنڑ آلی مالی امداد بندکرڈتی ہائی جیندے نتیجے اچ ایجنسی کو ںغیرمعمولی مالی مشکلات داسامنڑاں ہے اتے ادارہ اپنڑیں کئی سروسز بند کرنڑ اتے ملازماں کوں کڈھنڑ تے مجبور ہے۔
