اقوام متحدہ (پاکستان پوائنٹ نیوز28نومبر2017ء) پاکستان بین الاقوامی امور اچ ہک پاسے فیصلیں دی مذمت کریندے ہوئیں آکھیے جو شنگھائی تعاون تنظیم ہمہ گیریت دے استحکام اتے درپیش چیلنجز تے اجتماعی ردعمل تشکیل ڈیونڑ سانگے موثر پلیٹ فارم فراہم کریندی اے ، پاکستان گزریل 40 سالاں توں دہشت گردی دا شکار ہے ، دہشت گردی دے خلاف مہم اچ پاکستان بارا مالی تے جانی ضیان چاتے لیکن دہشت گرداں اتے انہاں دے شیطانی کاررائیاں ایں لعنت دے خاتمے سانگے اساڈے عزم کوں کچا نئی کر سگدی ،علاقائی بلاکس پروٹیکشن ازم، نسلی ، مذہبی اتے لسانی تعصبات اتے نویں نوآبادیاتی مظاہردے خلاف اہم کرداراداکرسگدی اے ۔
اقوام متحدہ اچ پاکستان دی مستقل مندوب ڈاکٹر ملیحہ لودھی اعلیٰ سطح دے اجلاس نال خطاب اچ اقوام متحدہ اتے شنگھائی تعاون تنظیم وچال ودھدے ہوئے تعاون دا خیر مقدم کریندے ہوئیں آکھیا جو پاکستان دہشت گردی ،علیحدگی پسند تے انتہا پسندی نال نبڑنڑ سانگے شنگھائی تعاون تنظیم دیاں کوششاں دی پوری حمایت کریندے۔انہاں آکھیا جو تنگ نظری تے مبنی قومی مفادات اتے یک طرفہ اقدامات پوری دنیا کوں درپیش چیلنجاں کوں مزید اوکھے تے ہمہ جہت بنڑا ڈتے ،انہاں چیلنج نال نبڑنڑ سانگے تے ایں حوالے نال سانجھے رد عمل دا مظاہرہ کرنڑ سنگے اساکوں نویں سروں کوششاں دی ضرورت اے ۔ اجلاس نال اقوام متحدہ اتے ایس سی او دے سیکرٹری جنرلزوی خطاب کیتا ۔
