کاکول (پاکستان نیوز پوائنٹ 15اکتوبر2016ء) پاک بحریہ دے سربراہ ایڈ مرل ذکاء اللہ آکھے جو جارحیت دی صورت اچ ملک دی سلامتی اتے سالمیت دا ہر قیمت تے دفاع کریسوں ، پاکستان امن پسند ملک ہے اتے ہمسایہ ملکاں نال چنگے تعلقات چاہندے ، مقبوضہ کشمیر اچ بھارتی بربریت کوڑیاں کہانیاں اتے من گھڑت واقعاں توں عالمی توجہ نہیں ہٹائی ونج سگدی ، اساں پوری طاقت نال ملکی سرحداں دا دفاع کریسوں ۔
او چھنڑچھنڑ کوں اتھاں پاکستان ملٹری اکیڈمی کاکول اچ پاس آئوٹ تھیونڑآلے کیڈٹس نال خطاب کریندے پئے ہن ۔ انہاں اچ سعودی عرب اتے لیبیا توں تعلق رکھنڑآلے 26 کیڈٹس شامل ہن ۔ ایں موقعے تے انہاں بہترین کارکردگی دے حامل کیڈٹس اچ اعزازات وی تقسیم کیتے گئے ۔ آپنڑیں خطاب اچ انہاں آکھیا جو کشیدہ صورتحال اچ پاس آئوٹ تھیونڑآلے کیڈٹس تے بھاری ذمہ داری آندی ہے ۔ انہاں پاس آئوٹ تھیونڑآلے کیڈٹس مبارخ ڈیندے ہوئیں آکھیا جو پاک فوج دی شاندار تقریب اچ شرکت انہاں کیتے خوشی دی وجہ ہے ۔ اے تقریب پاک فوج دی شاندار روایات کوں ظاہر کریندے ۔ انہاں آکھیا جو آپریشن ضرب عضب پورے تھیونڑ دے اخیری مرحلے اچ ہے ۔ ملک اچ دہشتگردی اتے انتہا پسندی کوں مکاونڑ اساڈا عزم ہے ۔