ترکی اچ پولیس حکومت مخالف ہک بئے ٹی وی چینل کوںبند کر ڈتا

انقرہ (پاکستان نیوز پوائنٹ 05اکتوبر2016ء) ترکی اچ پولیس حکومت مخالف ٹیلی وژن چینل آئی ایم سی ٹی وی کو ںبند کرڈتا ہے۔جرمن میڈیا دے مطابق ایں چینل دے ہک ایڈیٹر ڈسایا جو پولیس اہلکاراں استنبول اچ ایں چینل دے دفتر اچ وڑ گئے تے نشریات رکوا ڈتیاں ۔ترکی نشریاتی ادارے بند کرنڑ دا سلسلہ شروع کیتا ہے او بدستور جاری ہے ۔اجوکے کجھ عرصے دے دوران بہوں سارے ریڈیو تے ٹی وی چینل کوں بند کر چکیا ہے ۔گزریل ہفتے حکام مزید 23ٹی وی چینل بند کرنڑ دے احکامات جاری کیتے ہن ۔انہاں نشریاتی اداریں کوں ہنگامی صدارتی فرمان دی بنیاد تے بند کیتا ویندا پئے جیرھا جو رجب طیب اردوان جولائی دی ناکام بغاوت دے بعد جاری کیتا ہا ۔