فلسطینی مظاہرین کوں دہشت گردآکھنڑ توہین اے، روسی وزیر خارجہ

ماسکو(پاکستان پوائنٹ نیوز 17 مئی 2018ء) روسی وزیر خارجہ سرگئی لاروف آکھیے جو 14 مئی کوںاسرائیلی فوجیاں دی فائرنگ نال جاںبحق تھیونڑ آلے درجناں پر امن فلسطینی مظاہرین کوں دہشت گرد آکھنڑ بہوں نامناسب اے ۔ جرمن نشریاتی ادارے دے مطابق انہاں ماسکو اچ نیوز کانفرنس نال خطاب کریندے ہوئیں آکھیے جو او ایں گال تے یقین نی کر سگدے جو پر امن لوکاں دے نال ہلاک تھیونڑ آلے نشوم بال وی دہشت گرد ہن ۔ ایندے توں پہلے روسی وزیر خارجہ اے وی آکھیا جو روسی حکومت کوں غزہ اسرائیلی حد تے فلسطینی مظاہرین اتے اسرائیلی سکیورٹی فورسز وچال تھیونڑ آلیاں جھڑپاں دے حوالے نال ودھ ساری تشویش اے ۔