لبنان، پارلیمانی انتخابات اچ شکست دے بعد وزیراعظم سعد الحریری دا عملہ تبدیل

بیروت (پاکستان پوائنٹ نیوز 15 مئی 2018ء) لبنان دے وزیراعظم سعد الحریری اجوکے عام انتخابات اچ اپنڑی جماعت مستقبل تحریک دی شکست دے بعد اپنڑے چیف آف سٹاف سمیت عملے کوں تبدیل کر ڈتے ۔العربیہ ٹی وی دے مطابق مستقبل تحریک گذریل ہفتے منعقدہ پارلیمانی انتخابات اچ ہک تہائی توں ودھ سیٹاں ہر گی اے تے ایندے امیدوار صرف 20 نشستاں تے کامیاب تھن۔سعد الحریری دے دفتر انہاں دے چیف آف سٹاف نادر الحریری دے استعفے دا اعلان کیتا ،انہاں دی جاہ محمد منیمن کوں عارضی طور تے سعد الحریری دا چیف آف سٹاف مقرر کیتا گے ۔واضح رہے جو لبنان دی موجودہ پارلیمان دی مدت 20 مئی کوں مک ویسی تے ایندے بعد نویں حکومت دی تشکیل سانگے مذاکرات تے جوڑ تروڑ دا ہک اوکھا مرحلہ شروع تھیسی۔