داعش دی ہار دے بعد عراق اچ پہلے الیکشن

بغداد (پاکستان نیوزپوائنٹ 12 مئی 2018ء) عراق اچ ہفتہ کوں الیکشن شروع تھی گئے۔جرمن نشریاتی ادارے مطابق انتہا پسند گروہ داعش کوں ہرا ونڑ دے بعد روعراق اچ پہلی واری الیکشن دا انعقاد تھیندا پئے۔ تاں جوامید گھٹ ہے جو نویں حکومت ایںملک اچ استحکام اتے خوشحالی دی وجہ بنڑ سگے ۔ عوامی جائزاں مطابق وزیراعظم حیدر العبادی الیکشن اچ کامیاب تھی سگدن ۔ انہاں دا مقابلہ سابق وزیر اعظم نوری المالکی اتے ہادی العامری نال ہے۔329 سیٹاں آلی پارلیمنٹ سانگے مجموعی طور تے ست ہزار امیدوار الیکشن اچ حصہ گھندے ہن۔ الیکشن دے ابتدائی نتائج آندے کجھ ڈینھاں اچ سامنڑے آ ویسن۔