1439ھ سانگے حج پیکیج دا اعلان

مکہ مکرمہ (پاکستان نیوزپوائنٹ 12 مئی 2018ء) سعودی وزارت حج و عمرہ 1439ھ دے حج سانگے داخلی معلمین کوں نویاں فیساں دا ڈسا ڈتے ۔ سعودی اخبار دے مطابق وزارت حج و عمرہ ولوں1439ھ دے حج دے داخلی معلمین کو ں ڈتے گے پیکیج کوں” الحج المیسر“ دا ناں ڈتا گے ۔ایندی فیس کس فیس 3465ریال ہوسی۔ ساریں توں مہانگا پیکیج جمرات دے پل نال متصل ”ابراج“دے رہائشی لوکاں سانگے ہے 11905ریال مقرر کیتا گے جیرھا جو مذکورہ 6 ٹاورز اچ کہیں ہک اچوں رہائش پسند کریسن ۔ وزارت واضح کیتا جو فیس ادا کرنڑ توں پہلے ریزرویشن دی منسوخی مفت ہوسی جڈاں جو فیس ادا کرنڑ دے بعد 7ذی الحجہ تئیں منسوخی تے 100فیصد تئیں کٹوتی تھی سگدی اے ۔وزارت حج آکھیے جو الحج المیسر پروگرام دے تحت امسال 10ہزار لوک حج کریسن۔