سری نگر (پاکستان نیوزپوائنٹ 11 مئی 2018ء) مقبوضہ کشمیر اچ کٹھ پتلی انتظامیہ حریت فورم دے چیئرمین میر واعظ عمر فارو ق کوں جمعے دے ڈینھ سرینگر دے علاقے نگین اچ آپنڑیں گھر اچ نظر بند کرڈتے ۔کشمیرمیڈیا سروس دے مطابق بھارتی پولیس دے ہک افسر ذرائع ابلا غ کوں ڈسایا جو میر واعظ کوں نماز جمعہ دے بعد بھارت مخالف مظاہریاں دی قیادت توں روکنڑ سانگے نظر بند کیتاگئے ۔
سیدعلی گیلانی ، میر واعظ فاروق اتے محمد یاسین ملک بھارتی فورسز دے ہتھوں نینگراں دے اجوکھے قتل دے واقعاں دے خلاف نماز جمعہ دے بعدمظاہریاں دی کال ڈتی ہئی۔ بھارتی پولیس امت اسلامی دے سربراہ قاضی احمد یاسر کوں ضلع اسلام آباد دے علاقے مومن آباد توں اوں ویلھے گرفتار کرگھدا جڈاں او آزادی دے حق اچ ہک عوامی اجتماع نال خطاب کیتے بھجدے ویندے ئے ہن۔ انہاں کوں گرفتار کرنڑ دے بعد اسلام آباد دے صدر تھانڑے اچ بند کیتا گیا۔ انتظامیہ احتجاجی مظاہریاں کوں روکنڑ سانگے سرینگر دے پارمپورہ ، خانیار، نوہٹہ، صفاکدل، مہاراج گنج اتے رینہ واری تھانڑیاں دی حدود اچ آونڑ آلے علاقیاں اچ سخت پابندیاں عائد کرڈتیاں ہن ۔
