واشنگٹن(پاکستان نیوزپوائنٹ 11 مئی 2018ء) ایران اتے اسرائیل وچال جھڑپاں تے عالمی برادری تشویش د ااظہار کیتے۔جرمن خبررساں ادارے موجب ڈوہاں ملکاں وچال باقاعدہ جنگ دے خطرے پاروں عالمی برادری زور ڈتے جو او صبر دا مظاہرہ کرن۔
روس، فرانس، جرمنی اتے برطانیہ اسرائیل اچ راکٹ مارنر دی مذمت کیتی جڈاں جو امریکا آکھیے جو اسرائیل کوں اپنڑے دفاع دا حق اے۔اسرائیل آکھیے جو اوں ایران ولوں گولان دیاں پہاڑیاں توں راکٹ حملے دے جواب اچ شام اچ ایرانی فوجی اہداف دے خلاف کارروائی کیتی اے۔ ڈوجھے پاسو ایرانی صدر حسن روحانی اتے جرمن چانسلر انجیلا میرکل ٹیلی فون تے الویندے ہوئیں اتفاق کیتے جو خطے اچ ہک نویں جھیڑے توں بچنڑاں چاہیدے۔
