مالدیپ، سپریم کورٹ دے ڈو ججاں کوں سزاواں

مالی (پاکستان نیوزپوائنٹ 11 مئی 2018ء) مالدیپ دی خصوصی عدالت عدالتی فیصلیں تے اثرانداز تھیونڑ دی کوشش کرنڑ تے سپریم کورٹ دے ڈو سینئر ججاں کوں 19 مہینے قید دی سزا سنڑا ڈتی اے۔ مالدیپ دے ذرائع ابلاغ دے مطابق سزا پاونڑ آلے ججاں اچ سپریم کورٹ دے چیف جسٹس عبداللہ سعید کو ں12 مہینے تے جسٹس علی حمید کوں 7مہینے دی سزا ڈتی اے۔ چیف جسٹس عبداللہ سعید کوں ڈو ڈینھ پہلے ہک ہک تے بئے مقدمے اچ 5مہینے قید دی سزا سنڑائی گی اے ۔انہاں ڈوہیں ججاں کوں اجوکے سال لاتی ونجنڑ آلی ایمر جنسی دے دوران گرفتار کیتا گیا ہئی ۔اے ایمر جنسی ملکی صدر یامین عبدالقیوم لاتی ہئی ۔