یونان باغیاں کوں پناہ ڈے تے غلطی کیتی اے، ترکی

استنبول (پاکستان نیوزپوائنٹ 10 مئی 2018ء) ترک صدر دے ترجمان ابراہیم قالن آکھیے جو ترک باغیاں کوں سیاسی پناہ ڈیونڑ دا یونانی اقدام درست کائنی ۔ ترک خبرساں ادارے دے مطابق استنبول اچ پریس کانفرنس دے دوران یونان ولوں منحرف ترک فوجی کوں سیاسی پناہ دے حوالے نال سوال دے جواب اچ آکھیے جو ہر کوئی جانڑدے جو یونان دی حکومت دا باغیاں کوں پناہ ڈیونڑدا اقدام غلط اے، مذکورہ 8 باغی ترکی دے ڈو ہیلی کاپٹراں کوں غیر قانونی طریقے نال یونان گھن تے گے ہن ۔ باغی ترک صدر ِرجب طیب اردوان تے قاتلانہ حملے کرنڑ سانگے ضلع مارمرس گے ہن تے اساں ایں حوالے نال سارے ایں حوالے نال سارے ثبوت یونان کوں ڈتن ۔ایندے باوجود انہاں کوں سیاسی پناہ ڈیونڑ ہک غلط فیصلہ اے ۔