ماسکو(پاکستان نیوزپوائنٹ 10 مئی 2018ء) روس دے صدر ولادیمیر پیوٹن ، امریکا دے ایران دے جوہری پروگرام تے عالمی معاہدے توں انجھ تھیونڑ دے اعلان نال پیدا تھیونڑ آلی صورت حال تے غور سانگے قومی سلامتی کونسل دے اجلاس اچ شرکت کیتی،کریملن دے ترجمان د متری پیسکوف بیان اچ آکھیے جو اجلاس اچ امریکا دے ایران دے نال طے شدہ سمجھوتے تے انجھ تھیونڑ دے فیصلے تے غور کیتا گیا ۔
بیان دے مطابق اجلاس اچ ایں فیصلے تے تشویش دا اظہار کیتا گے تے ہک واری ول ایں سمجھوتے دی اہمیت تے زور ڈتا گے۔اجلاس اچ وزیر اعظم دمتری میدویدیف ، وزیر خارجہ سرگئی لاروف، وزیر دفاع سرگئی شوئیگو ، وزیر داخلہ ولادیمیر کولوکولسٹیف، رشئین سکیورٹی سروسز دے سربراہ الیگذینڈر بورٹینی کوف، رشئین فیڈریشن کونسل دے سربراہ والنٹین ماتوی ینکو، د ±وما دے سربراہ ویاچسلاو وولو، سکیورٹی کونسل دے سیکرٹری نکولائے پاتروشیو وی شرکت کیتی ۔
