ریاض(پاکستان نیوزپوائنٹ 10 مئی 2018ء) سعودی وزیر خارجہ عادل الجبیر مملکت تے میزائل حملے تے ردعمل دااظہار کریندے ہوئیں آکھیے جو میزائل حملے دا صحیح وقت تے جواب ڈیسوں۔ سی این این کوں ڈتے گے انٹرویو اچ انہاں آکھیا جو دارالحکومت تے ڈھائے ونجنڑ آلے میزائل ایرانی ساختہ ہن جیرھے جو انہاں حوثیاں دے حوالے کیتن ۔ ایں قسم دا رویہ ناقابل قبول اے تے بیلسٹک میزائلاں دے حوالے نال اقوام متحدہ دیاں قرارداداں دی خلاف ورزی اے۔
انہاں خبردار کیتے جو اساں صحیح وقت تے ایندا جواب ڈیسوں۔ اساں ایران دے نال براہ راست تصادم توں ہر قیمت تے بچنڑ دی کوشش کریندے پیوں لیکن ایران کوں ایں قسم دے رویے کوں جاری رکھنڑ دی اجازت کائناں ڈیسوں ۔ ایندا اے رویہ اعلان جنگ دے مترادف اے۔ انہاں آکھیا اگر ایران ایٹم بم بنڑایا تاں اساں وی اینویں کریسوں ۔
