اسرائیلی وزیر اعظم روس دے اہم دورے تے روانہ تھی گئے

مقبوضہ بیت المقدس (پاکستان نیوزپوائنٹ 09 مئی 2018ء) اسرائیلی وزیر اعظم بینجمن نیتن یاہو صدر ولادیمیر پیوٹن نال ملاقات سانگے روس روانہ تھی گئے ہن۔جرمن خبررساں ادارے دے مطابق اسرائیلی وزیر اعظم شام دی صورتحال دی وجہ نال حالیہ کجھ مہیناں اچ بہوں واری صدر پیوٹن نال مٍلاقاتاں تے ٹیلی فون تے گالھ مہاڑکر چکے ہن۔ اسرائیل شام اچ ایران دے کردار دے حوالے نال وی تحفظات رکھیندے۔ روس روانہ تھیونڑ توں پہلے نیتن یاہو دا آکھنڑ ہا جو انہاں دی پیوٹن نال ہر ملاقات اہم ہوندی ہے لیکن ا یہ ملاقات خاص طور تے اہم ہے۔ روس اتے اسرائیل شام اچ کہیںحادثاتی لڑائی توں بچنڑ سانگے ہک ہاٹ لائن وی بنڑائی ہوئی ہے۔