مقبوضہ بیت المقدس اچ امریکی سفارت خانے دے پاسے ونجنڑ آلی شاہراہ دے سائن بورڈ لا ڈتے گن

مقبوضہ بیت المقدس (پاکستان نیوزپوائنٹ 08 مئی 2018ء) اسرائیل اچ محکمہ ٹریفک عام شہریاں دی رہنمائی کرنڑ آلے ترائے ایجھے روڈ سائن نصب کرڈتے گن، جیرھے جو امریکی سفارت خانے کو ں باہر ونجنڑ آلے رستے دے پاسے اشارہ کریندن ۔ بین الاقوامی ذرائع ابلاغ دے مطابق مقبوضہ بیت المقدس اچ امریکی سفارتی مشن دا افتتاح اگلے ہفتے متوقع اے جیں سانگے محکمہ ٹریفک عام شہریاں سانگے سفارتخانے دی رہنمائی کرنڑ آلے ترائے روڈ تے سائن لا ڈتن ۔

کجھ عرصہ پہلے امریکی صدر ٹرمپ اعلان کیتا ہا جو اسرائیل اچ امریکی سفارت خانہ وختی تل ابیب نال مقبوضہ بیت المقدس منتقل کرڈتا ویسی ۔ واضح رہے جو اسرائیل اتے فلسطینیاں وچال مقبوضہ بیت المقدس شہر دی حتمی حیثیت جھیڑے آلی جاہ اے۔ اسرائیل پورے مقبوضہ بیت المقدس تے اپنڑی ملکیت دا دعویدار اے جڈاں جو فلسطینی اپنڑی مستقبل دی خود مختار ریاست دا دارالحکومت مشرقی مقبوضہ بیت المقدس کوں بنڑاونڑ اچاہندے ۔