واشنگٹن (پاکستان نیوزپوائنٹ 07 مئی 2018ء) امریکی صدر ڈونلڈ ٹرمپ ولوں سی آئی اے سانگے نامزد کیتی گی سربراہ جینا ہسپیل نامزدگی توں دستبردار تھیونڑ بارے غور کر یندی پی ہے۔ امریکی خبررساں ادارے مطابق ایندی وجہ سی آئی اے اچ تحقیقات دے طریق کار اچ انہاں دے متنازعہ کردار دے حوالے نال تشویش ڈسائی ویندی ہے، جینا بارے آکھیاویندے جو اوہ سی آئی اے اچ تحقیقات دوران واٹر بورڈنگ جئی نویںٹیکنیک دے استعمال دی بھر پور حامی ہن جینکوں پوری دنیا اچ بدترین تشدد قرار ڈیندے ہوئیں تنقید کیتی ویندی ہے۔
جینا کوانہاں دے تحقیقاتی طریقاں دے استعمال بارے گالھ بات کرنڑ سانگے وائٹ ہاو¿س طلب کیتا گیا جتھاں انہاں دی اہلکاراں نال تفصیلی ملاقات تھئی۔ جینا ہسپیل وائٹ ہاو¿س کو ں ڈسایا جو اوہ بدھ کوںسینیٹ دی انٹیلی جنس کمیٹی اچ تھیونڑ آلی انہاں دی نامزدگی دی توثیق دے سلسلے اچ متوقع طور تے سخت اتے مشکل سماعت دے پیش نظر دستبردار تھیونڑ چاہندی ہے۔
ڈسایا گئے جو وائٹ ہاو¿س دے قنون سازی امور توں متعلق اہلکار مارک شارٹ اتے وائٹ ہاو¿س دی ترجمان سارا سینڈرز ملاقات دے فوراً بعد لینگلے اچ جینا دے دفتر گئے جتھاں انہاں کئی گھنٹے دی ملاقات کیتی اتے انہاں تے اپنڑاں فیصلہ بدلن تے زور ڈتا تاں جو جینا نی منی۔ جینا بعد اچ وائٹ ہاو¿س کوں یقین ڈیوایا جو ا وہ اپنڑی نامزدگی واپس کائناں گھنسن۔ جینا ہسپیل ایں ویلھے سی آئی اے دی قائم مقام ڈائریکٹر دی حیثیت نال کم کریندیاں پن۔ صدر ٹرمپ جینا کوں سی آئی اے دے سربراہ سانگے نامزد کریندے ہوئیں آکھیا ہا جو اوہ ایں منصب تے لگنڑ آلی پہلی تریمت اہلکار ہوسن۔ اوہ مائک پومپیو دی جاءتے ایہ منصب سنبھیسن جیرھے جوجو ہنڑامریکہ دے وزیر خارجہ ہن۔
