سعودی عرب، 7حالات اچ بجلی دا کنکشن کٹنر تے پابندی

ریاض (پاکستان نیوزپوائنٹ 07 مئی 2018ء) سعودی تحفظ صارفین انجمن 7 حالات اچ بجلی دا کنکشن کٹنڑ تے پابندی لا ڈتی اے ۔ سعودی تحفظ صارفین انجمن ٹوئٹر تے انہاں حالات دی نشاندہی کریندے ہوئیں واضح کیتے جو سکولاں اچ امتحانات ، رمضان المبارک، معذوراں دے گھراں ، بجلی دے بل تے کمپنی اتے صارف وچال اختلاف تے بجلی دے خرچ نال تعلق رکھنڑ آلیں دے قرضیں دی صورت اچ کہیں وی صارف دی بجلی نی کٹی ونج سگدی ۔ تحفظ صارفین انجمن توجہ ڈیوائی اے جومذکورہ 7 حالات اچ کہیں ہک حالت اچ بجلی دا کنکشن برقرار رکھنڑ صارف دا حق اے اینکوں چیلنج نی کیتا ونج سگدا ۔ انجمن سارے صارفین کوں آکھیے جو او اپنڑے انہاں حقوق کوں چنگی طرح سمجھ گھنن تے اپنڑے حق توں دستبردار نہ تھیون ۔