سعودی عرب، رمضان شریف دے دوران مطاف دا صحن معتمرین سانگے مخصوص

مکہ مکرمہ (پاکستان نیوزپوائنٹ 07 مئی 2018ء) سعودی حکومت رمضان شریف دے دوران متعمرین دی سہولت تے سوکھ سانگے مطاف دا صحن مخصوص کرڈتے۔ سعودی زرائع ابلاغ دے مطابق گورنر مکہ مکرمہ و سربراہ مرکزی حج کمیٹی شہزادہ خالد الفیصل آکھیے جو رمضان شریف دے مہینے اچ عمرہ ، زیارت تے تراویح اتے تہجد سانگے حرم شریف آونڑ آلیں دی تعداد غیر معمولی ہوندی اے جیں دے دوران عمرہ کرنڑ آلیں کوں رش پاروں طواف اچ اوکھ تھیندی اے ۔انھاں ایں صورت کوں سامنڑے رکھیندے ہوئیں طے کیتے جو رمضان شریف دے دوران مطاف دا صحن معتمرین سانگے مخصوص ہوسی ۔