جدہ (پاکستان نیوزپوائنٹ 25اپریل 2018ء) سعودی پولیس انعام دی تری لاتے تارکین وطن کوں بے وقوف بنڑاونڑ آلے ہک گروپ کوں گرفتار کر گھدے ۔ سعودی ذرائع ابلاغ دے مطابق جدہ پولیس دے ترجمان میڈیا نال گال بات کریندے ہوئیں ڈسایا جو الربوہ محلے اچ کارروائی کریندے ہوئیں ہک گروہ دے 11لوکاں کوں گرفتار کر گھدے جیرھے جو انعام دی تری لا کراہیں لوکاں کوں لٹی چاتی ویندے ہن ۔
اے بندے ٹیلیفونک رابطے، ایس ایم ایس اتے وٹس ایپ دے ذریعے تارکین کوں اے پیغام پھٹیندے ہن جو فلاں کمپنی یا فلاں تجارتی مرکز دی قرعہ اندازی اچ تساڈا انعام نکلیے ۔ مزید تفصیلات جاڑنڑ سانگے نجی کوائف اتے بینک اکاﺅنٹ دی تفصیل منگدے ہن ۔انہاں دے قبضے توں 19 موبائل فون اتے 36 سماں بر آمد تھن ۔ ملزماں کوں پبلک پراسیکوشن دی تحویل اچ ڈے ڈتا گے ۔
