کوالالمپور (پاکستان نیوزپوائنٹ 25اپریل 2018ء) ملائیشیا دے نائب وزیراعظم تے وزیر داخلہ زاہد حمیدی آکھیے جو فلسطینی سائنسدان ڈاکٹرفادی البطش دے مجرمانہ قتل اچ غیرملکی خفیہ ادارے ملوث تھی سگدن ۔ملائشیا دے ذرائع ابلاغ دے مطابق کوالالمپوراچ میڈیا نال گال بات کریندے ہوئیں انہاں ڈسایا جو پولیس کوں پتہ لگا ہے جو کولالمپور یونیورسٹی دے فلسطینی پروفیسر ڈاکٹر البطش ترکی اچ عالمی کانفرنس اچ شرکت سانگے ونجنڑ دی تیار ی کریندے پے ہن نا معلوم مسلح لوکاں فجر دی نماز دے وقت انہاں تے حملہ کر تے انہاں کوں قتل کر ڈتا ۔
ڈاکٹر البطش فلسطین دشمن ریاست سانگے بوجھ ہن تے انہاں کوں مارنڑ سانگے انہاں دے پچھوں لگے ودے ہن ۔انہاں آکھیا پولیس کوں ملنڑ آلے شواہد توں اشارہ ملدے جو ایں مجرمانہ واقعے اچ غیرملکی خفیہ اداریں دا ہتھ تھی سگدے ۔ وزیر داخلہ ناں گھدے بغیر اسرائیل دے پاسے اشارہ کیتا تے آکھیا فلسطین دشمن کوئی وی ملک ایجھی کاروائی کر سگدے ۔انہاں عالمی پولیس ایجنسی انٹرپول اتے جنوب مشرقی ایشیائی ملکاں دی پولیس توں وی البطش دے قتل دی تحقیقات اچ معاونت دی اپیل کیتی اے ۔
