ترکی 16 سال اچ 230 فیصد دی شرح توں ترقی کیتی اے، نائب وزیر اعظم

استنبول (پاکستان نیوزپوائنٹ 25اپریل 2018ء) ترکی دے نائب وزیر اعظم شمشیک آکھیا جو انھاں گزریل 16سالاں اچ 230 فیصد دی شرح توں ترقی کیتی اے۔ ترک ذرائع ابلاغ دے مطابق غازی این تپ دے ایوان تجارت ، جنوب مشرقی اناطولیہ ایکسپورٹرزیونین دے زیر اہتمام ہک نمائش نال خطاب کریندے ہوئیں انہاں آکھیا جو ترکی 16 سالاں اچ 230 فیصد دی شرح توں ترقی کیتی اے تے مستقبل اچ اہم ترین کم افراط زر دے خلاف نبرد آزما ہوونڑاں ہوسی ۔ انہاں مزید ڈسایا جو2002توں ہنڑ تئیں عالمی ترقی 78 فیصد جڈاں جوترکی دی شرح نمو 230 فیصد رہی اے۔ ترکی تے انگلیاں چاونڑ آلے انہاں اعداد شمار دا جائزہ گھنے۔