شام کوں جدید میزائل ڈیونڑ دا فیصلہ حالی نی کیتا، روس

ماسکو (پاکستان نیوزپوائنٹ 24اپریل 2018ء) روس دے وزیر خارجہ سرگئی لاوروف آکھے جوشام کوں ایس 300 جئے جدید میزائل ڈیونڑ کرنڑ دا فیصلہ حالی تئیں نی کیتا۔ سرکاری نیوز ایجنسی نال گالھ بات کریندے ہوئیں انھاں آکھیا جو ایں حوالے نال کہیں وی معاہدے کوں خفیہ کائناں رکھیا ویسی۔ ہک روسی سفارت کار دے مطابق اسرائیل روس توں اپیل کیتی جوا وہ شام کوں جدید میزائل نہ ڈیوے۔ واضح رہوے جو امریکا، فرانس اتے برطانیہ دے میزائل حملیاں دے بعد روس آکھیا جو اوہ شام کوں جدید میزائل ڈے سگدے۔