جرمنی: سوشل ڈیموکریٹک پارٹی 155 سالہ تریخ اچ پہلی واری تریمت سربراہ منتخب کرگھدی

برلن (پاکستان نیوزپوائنٹ 23اپریل 2018ء) جرمنی دی سوشل ڈیموکریٹک پارٹی اپنڑی 155 سالہ تریخ اچ پہلی واری ہک تریمت سیاستدان آندریا ناہلیس کوںسربراہ منتخب کر گھدے ۔جرمن نشریاتی ادارے دے مطابق گزریل ڈینھ تھیونڑ آلی پارٹی ووٹنگ اچ تقریباً 66 فیصد ووٹراں 47 سالہ آندریا ناہلیس دے حق اچ ووٹ ڈتا۔ آندریا ناہلیس دے انتخاب کوں ایس پی ڈی دے مستقبل سانگے بہوں اہم قرار ڈتا وینداپئے۔ ناقدین دے مطابق ناہلیس سانگے اپنڑی جماعت کوں نویاں سرے توں کھڑا کرنڑ سانگے ودھ ساری محنت کرنڑ پوسی۔واضح رہوے جو گزریل الیکشن اچ ایس پی ڈی دی کارکردگی چنگی کائناں ہائی۔