اقوام متحدہ(پاکستان نیوز پوائنٹ 20ستمبر 2016ء) صدرآزاد کشمیر سردار مسعود خان اسلامی ملکاں دی تنظیم دے مقبوضہ کشمیر تے رابطہ گروپ کوں آکھیا جو او مقبوضہ کشمیر اچ بھاتی بربریت ،بیلٹ گنز دے استعمال دی ہک دفعہ ولا مذمت کریندے ہوئیں بھارت کوں آکھن جو او آرمڈ فورسز سپیشل پاور ایکٹ سمیت کالے قنون ختم کرے ۔اقوام متحدہ محصور کشمیریاں کوں ریلیف دی فراہمی سانگے انسانیت دی بنیاد تے راہداری دی تلاش کرے ،او آئی سی دے سیکرٹری جنرل مقبوضہ کشمیر دی صورتحال دی شدت توں اقوام متحدہ دے سیکرٹری جنرل اتے سلامتی کونسل دے صدر کوں ڈساون۔
او گزریل ڈینھ اتھاں او آئی سی رابطہ گروپ توں خطاب کریندے پے ہن ۔ صدرآزاد کشمیر آکھیا جو اجوکے سال 8 جولائی کو ںکشمیری نوجوان رہنما برہان وانی دی شہادت دے بعد سینکڑاں کشمیری مرد تے تریمت اتے بالاں کوں شہید کیتا گیا پیلٹ گنزدے استعمال نال 150 توں ودھ شہری نابینا تھی گے ہن، ڈاہ ہزار توں ودھ کشمیری بھارتی قابض فوج دی بلاتفریق فائرنگ نال زخمی ہن ، مقبوضہ کشمیر اچ کشمیری ایں ویلھے محصور ہیں، انہاں دی اپنڑی سرزمین تے انہاں تے عرصہ حیات تنگ کر ڈتا گے ۔
