بیجنگ(پاکستان نیوزپوائنٹ 19مارچ2018ء) چین دی حکومت امریکی صدر ڈونلڈ ٹرمپ دے امریکا تے تائیوان وچال تعلقات ودھاونڑ دے نویں قنون تے دستخط کرنڑ تے شدید احتجاج کیتے ۔ چین دے ذرائع ابلاغ مطابق صدر ٹرمپ تائیوان ٹریول ایکٹ تے جمعہ دے ڈینھ دستخط کرتے اینکوں قنون دی شکل ڈے ڈتی ہائی ۔ا یہ قنون امریکا اتے تائیوان وچال ہر سطح دے حکام دے تبادلیاں کوں ودھاونڑ سانگے حوصلہ افزائی کریندے۔
چین دی وزارت خارجہ دے ترجمان ل ±و کانگ ہفتے آلے ڈینھ ہک بیان اچ ایں قنون دی سخت مخالفت کریندے ہوئیں آکھے جوا یہ چین پالیسی دی سنگین خلاف ورزی ہے۔ انہاں آکھیا جو ایندے نال تائیوان دی آزادی پسند طاقتاں کوں غلط پیغام ملسی۔ ل ±و کانگ مطالبہ کیتے جو امریکی حکومت صیحح رویہ اختیار کرے تاں جو چین امریکہ تعلقات ، اتے تائیوان دے نال نال خطے دے امن و استحکام کو ںکوئی وڈا نقصان نہ پجے۔
