شامی علاقے عفرین تے قبضہ وڈی کامیابی اے، ترک صدر رجب طیب اردوان

انقرہ(پاکستان نیوزپوائنٹ 19مارچ2018ء) ترک صدر رجب طیب اردوان شامی علاقے عفرین تے قبضے کوں ہک وڈی کامیابی قرار ڈتے ۔ جرمن خبررساں ادارے دے مطابق اردوان آکھیا ترک دستیں دی پشت پناہی اچ لڑنڑ آلے شامی باغیاں علاقے توں کرد جنگجوواں کوں پورے طور تے باہر بھجا ڈتے۔ ترک صدرآکھیا اے عسکری کارروائی شمالی شام اچ کرداں دے زیر اثر بئے علاقیں تئیں وی کھنڈ سگدی اے ۔ ترک حکومت جنوری اچ شامی سرحد دے نیڑے کرد علاقیں اچ عسکری کارروائی شروع کیتی ہئی ۔ ترکی دا موقف اے جو شامی کرد کالعدم کرد تنظیم کردستان ورکز پارٹی ”پی کے کے“ نال تعاون کریندن ۔