یمنی سکیورٹی فورسز حوثیاں کوں بھیجی گئی اسلحے دی کھیپ پکڑ گھدی

صنعاء(پاکستان نیوزپوائنٹ 15مارچ2018ء) یمن دی سکیورٹی فورسز دارالحکومت صنعاءاچ حوثی ملیشیا سانگے بھیجی گئی اسلحے دی کھیپ پکڑ گھدی ہے۔ العربیہ ٹی وی دے مطابق یمنی سکیورٹی فورسز ڈسائے جو صنعاءدے مشرق اچ واقع صوبے مارب اچ ہک چیک پوائنٹ تے اسلحے دی ا یہ کھیپ پکڑی گی ہے۔پکڑے گئے ہتھیاراں اچ میزائل لانچر ، کلاشنکوف رائفلاں اتے گولہ بارود شامل ہے۔ حوثیاں وڈی مہارت نال ہک وڈے ٹرک دے خانیاں اچ اسلحہ لکا یا ہا۔مآرب اچ یمنی سکیورٹی فورسزحوثی ملیشیا کوں بھیجے گئے ہتھیاراں اتے فوجی سازوسامان دی وڈی کھیپ پہلے وی پکڑی ہائی۔