بھارت اچ 35 ہزار کساناں دا احتجاجی مظاہرہ

ممبئی (پاکستان نیوزپوائنٹ 13مارچ2018ء) بھارت دے علاقے ناشک توں تقریباً 35 ہزار کسان احتجاجی مظاہرے سانگے ممبئی شہر اچ جمع تھی گن ۔ بھارتی خبررساں ادارے دے مطابق ناشک شہر توں کسان 167 کلو میٹر دا فاصلہ پیدل طے کرتے عورتاں تے بالاں سمیت ممبئی پج گن ۔ کساناں حکومت توں مطالبہ کریندے ہوئیں آکھیے جو زرعی مصنوعات دے معاوضے اچ ودھارا کیتا ونجے تے کساناں دے قرضیں کوں معاف کیتا ونجے ۔مظاہرے اچ شریک کساناں آکھیے جو حکومت گزریل سال قرضیں دی معافی دا وعدہ کیتا ہئی ہنڑ جڈاں تئیں مطالبات تے انہاں دا حکومت دے نال معاہدہ طے نی پا ویندا او ممبئی اچ رہ ویسن ۔ڈوجھے پاسے ممبئی شہر دے صوبے مہاراشٹر دی مقامی حکومت آکھیے جو احتجاج دے خاتمے سانگے اساں مذاکرات تے تیار ہوں ۔