ترکی جرمن پالیمنٹ دے رکناں کوں انجرلک اچ فوجی اڈے دے دورے دی اجازت ڈے ڈتی

انقرہ ۔ 09 ستمبر (اے پی پی) ترکی جرمن پارلیمان کوں انجرلک اچ فوجی اڈے دے دورے دی اجازت ڈتے ڈتی ہے۔جرمن ذرائع ابلاغ دے مطابق ترک حکام آکھیا ہے جو جرمن دفاع کمیٹی دے رکناں طے شدہ منصوبے دے مطابق اکتوبر اچ فوجی اڈے دا دورہ کر سگدے ہن ۔ ترک حکومت جرمن پارلیمان اچ ایں قرار داد دی منظوری دے بعد انجرلک دے دورے تے پابندی لا ڈتی ہئی جیں اچ عثمانیہ دور اچ آرمینیااچ تھیونڑ آلے قتل عام کوں نسل کشی قرار ڈتا ہے ۔ انجرلک اچ 250 جرمن فوجی تعینات ہن۔ اے اہلکار شام اچ داعش دے خلاف جاری فضائی حملے اچ تعاون کریندے ہن۔