شاخ زیتون آپریشن اچ 557 دہشت گرد ہلاک تھی گئے ہن، ترکی

استنبول (پاکستان نیوزپوائنٹ30جنوری2018ء) ترکی دے حکام دا آکھنڑ ہے جو سرحد پارعلاقیاں اچ شاخ زیتون آپریشن اچ 13 لڑاکا جہازاں دہشت گرد تنظیماں دے 20اڈیاں تے حملہ کرتے انہاں کوں مکمل طور تے تباہ کر ڈتے۔ترکی دے نشریاتی ادارے مطابق ترک مسلح افواج دے آپریشن سٹریٹجیک مرکزآکھے جو شاخ زیتون آپریشن دے 9ویں ڈینھ علیحدگی پسند دہشت گرد تنظیم ”پی کے کے“ اتے ” پی وائے ڈی“ نال تعلق رکھنڑ آلے 73 دہشت گرد اں دی ہلاکت دے بعد ہلاک تھیونڑ آلے دہشت گرداں دی مجموعی تعداد 557 تھی گئی ہے ۔ رپورٹ دے مطابق 13 ترک لڑاکا جہازاں آپریشن اچ حصہ گھدے۔